۔ ۔ ۔ ۔ لمّی نظم ” کُڑی الکُڑیات ” دا اک بند ۔ ۔ ۔ ۔
تیریاں بُلھیاں ، چن دا نخرہ
تیری اکھ دا موسم وکھرا
تیرا پنڈا کنک دا سونا
میں سونے دا ہار پرونا
موتیے دے پھُلاں دی ٹاہنی
تُوں امبیاں دے باغ دی رانی
زُلفاں وچوں تیریاں گلھاں
کالے ہڑ وچ رت دیاں چھلاں
تیری وینڑیں دے وچ ونگاں
رب کولوں میں ہور کیہ منگاں
ونگاں چھن چھن چھنکی جاون
لنگھیاں ویلا یاد کراون
ہائے ہائے گلھاں دے وچ ٹوئیاں
تیری نتھ تے صدقے ہوئیاں
تیرا روپ سروپ غضب دا
ایہہ لمبو کسے ٹھنڈی اَگ دا
تیرا میوہ مٹھا لگدا
ایہہ سُفناں مینوں ڈِٹھا لگدا
توں کُڑی الکُڑیات ایں میری
توں سدھراں دی رات ایں میری
۔ ۔ ۔ مسعود مُنّور ۔ ۔ ۔ ۔